OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
GOVERNMENT OF MIZORAM
Dated Aizawl, the 23th October, 2017
RBSK PROGRAMME HNUIAH NAUPANG LUNG THA LO 15 TE MANIPAL HOSPITAL, BANGALORE-AH THAWN LIAM AN NI
Vawiin October ni 23, 2017 hian National Health Mission (NHM), Mizoram hnuaia programme pakhat Rashtriya Bal Swasthya Karyakram (RBSK) chuan natna khirh zual zai ngai natna 13 a puih theihte zinga pakhat Lung Na (Congenital Heart Disease) nei naupang 15 (sawmpanga) Manipal Hospitals, Bangalore ah a tir.
NHM Mizoram leh Manipal Hospitals, Bangalore hian August ni 28, 2017 khan Congenital Heart Disease enkawl dan tur chungchangah inremna an lo ziak fel tawh a. Inremna an lo ziahfel tawh angin, 5th October 2017 khan Dr. Lalchand H Bandagi, Cardiac Surgeon leh a team te lo kalin Congenital Heart Disease Screening Camp an rawn buatsaih a,he programme ah hian Pu Lal_, Hon’ble Minister, Health & Family Welfare Department chuan hawngin, naupang 167, piangtir a\anga kum 18 inkar an rawn inentir hlawm a, chung zinga naupang 49 te chuan Congenital Heart Disease an nei a ni tih hriatchiansak an ni a. Heng naupang 49 zinga 15 te hi zai ngai an ni a, a bak 34 te hi la nghak hret thei an ni bawk a, a \ul dan a zirin an ni pawh hi inenkawl thei tura la support zel tur an ni.
Vawiin a naupang 15 inenkawl tura tirh chhuah te hi Dr. Loncy V Lalzarliana, Cardiologist in a lo en tawh te an ni hlawm a, phai lama in enkawl tura alo refer tawh te an ni tih a hmaa an inentirna lehkha a\angin a hriat theih a. Amaherawhchu, sum lam harsatna avanga a tirhna hmuna la kal remchang theilo te an ni hlawm a ni. Manipal Hospitals Bangalore hian heng naupang an enkawlna senso hi NHM Mizoram hnenah an bill anga, damlo te hnenah erawh chuan engmah inenkawlna man hi an dil lovang.
Heng naupang kal hmasa tura thlanchhuah 1st batch te inenkawlna tur senso, Guwahati to Bangalore inkar rel chuan man,Bangalore a thlen man lehManipal Hospitals, Bangalore a inenkawlna senso zawng zawng hi NHM, Mizoram chuan RBSK kaltlangin a tum dawn a ni. He inremna ang hian naupang kum 7 hnuailam tan attendant 2 leh kum 7 chunglam tan attendant 1 te kalkawng senso leh thlenna a tumsak tel bawk a ni.
Vawiin damlo kal turte hi chawhnu dar 1:00 khan Millenium Centre kawt atangin a rualin an chhuak a. Thil tul leh pawimawh inhrilhhriatna hun hi Dr.Lalthalengliani, SPO (RBSK) hova neih a ni.
