OFFICE OF THE PRINCIPAL DIRECTOR

HEALTH & FAMILY WELFARE DEPARTMENT

............................

MASS EDUCATION AND MEDIA SECTION

(PRESS HANDOUT)

DATED AIZAWL

The 17th  May, 2022

“RAM HNIM DAMDAWI KAWTKAIAH”

Azadi ka Amrit Mahotsav, India ram zalen kum 75-na lawmna kal zelah National Medicinal Plants Board, Ministry of Ayush Govt. of India ruahmanna “Ayush Apke Dwar” “Ramhnim damdawi kawtkaiah” tih Programme chu State Medicinal Plants Board (SMPB), Mizoram buatsaihin Dr. C. Lalzepuii, Member Secretary SMPB Mizoram & Director, Directorate of AYUSH chuan vawiin 17th May, 2022 khan Directorate of Health Services Meeting Room-ah a tum hnihna atan a hawng.

Ayush apke dwar, “Ramhnim damdawi kawtkaiah” tih hi September, 2021 atanga bul tan tawh niin Health & Family Welfare Department Minister zahawm tak Dr. R. Lalthangliana chuan 3^rd September 2021 khan a bul tanna a lo hawng tawh bawk a ni. He Programme hi ram mipuite’n ramhnim damdawi kan hriatchian lehzualna tur (Awareness Programme) a ni a. Hemi programme kalpui zelna atan hian State Medicinal Plants Board chuan ramhnim damdawi thlai tiak thenkhatte a thlawnin a duh apiang hnenah a sem chhuak a ni.

Azadi ka amrit mahotsav kal zela hmalakna pakhat, ramhnim damdawi chin pun, Cultivation of Medicinal Plants chu ni 1^st Sept. 2021 khan Directorate of AYUSH, Bungkawn-ah Dr. Lalkhawngaihi Renthlei, CEO SMPB chuan a lo hawng tawh bawk a. Tin, Thenzawl, Serchhip District-ah 4^th May, 2022 khan Lalbiakchama MFS DFO Thenzawl Division chuan “AYUSH Aapke Dwar” hi a lo hawng ve tawh bawk a ni. Tun thlengin ramhnim damdawi thlai tiak hi 9720 vel a thlawn a semchhuah tawh a ni.