OFFICE OF THE PRINCIPAL DIRECTOR
GOVERNMENT OF MIZORAM
HEALTH & FAMILY WELFARE DEPARTMENT
PRESS HANDOUT
Dated Aizawl the 10th, October, 2018
NATIONAL MENTAL HEALTH DAY HMAN A NI.
Nimin October ni 10, 2018 kha khawvel rilru lam hriselna atana ni bik, "World Mental Health Day" a ni a. He ni denchhen hian National Health Mission hnuaia Programme, National Mental Health Programme-te chuan Research Consultancy and Extension Committee, Govt. Aizawl North College te nen tangkawpin WORLD MENTAL HEALTH DAY hi an hmang a. Dr.Lalrozama, IAS, Mission Director, NHM chuan Khuallian niin hun a hmanpui.
World Mental Health Day hi Dr.Lalhmingliani Ralte in a kaihruai a. Pu Vanlalduha, Principal, GANC in thusawina hun a hman zawh hnu-ah Khuallian Dr.Lalrozama, IAS, MD, NHM hnen atangin college zirlaite fuihna thu ngaihthlak a ni. Dr.Lalrozama IAS chuan thalaite khawvel chungchang sawiin rualawhna nasa ta lutuk te, khawvel changkanna kawngah a tha lo zawnga intlansiakna tam ta lutuk chuan thalaite nunah nghawng pawi tak a nei thei a. Hemi kawngah hian thalai ten tuang kan tih chhah a, tum nghet cherh chawrh nei tur leh hma thlir felfai tak kan neih a ngai a. Chutiang nei tur chuan rilru hrisel kan neih a ngai a ni a ti.
Hemi hnu hian Dr.Lalhriatpuia, Psychiatrist, MIMER chuan kumin World Mental Health Day Theme: Young People and Mental Health in a changing world tih chungchang sawiin presentation a pe a. Rilru lam natna hrang hrang leh a kaihhnawih bakah chung thil laka fihlim dan hrang hrangte sawiin zirlaite nen zawhna leh chhanna hun hmanho a ni bawk.
Hun tawp hi Dr.Lalzarmawiin lawmthu sawiin a tin a ni.
