OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
MASS EDUCATION AND MEDIA SECTION

DATED AIZAWL THE 7th Feb., 2018

CHALTLANG LILY VENG HEALTH SUB-CENTRE HNAWN A NI

Nimin February ni 7 (Nilaini) 2018 chawhnu dar 2:00 khan Rs.1150800/- senga sak Chaltlang Lily Veng Health Sub Centre chu Dr.F.Lallianhlira, Principal Director, Health & Family Welfare Department-in a hawng.

Health Sub Centre hawnna pual inkhawm hi Dr.Laldinpuia, SMO Aizawl East District-in a kaihruai a. Centre hawngtu Dr.F.Lallianhlira'n kalkhawmte hmaah thusawina hun hmangin thawktute fuihna hun a hmang a. A nih dan tur ang taka Sub-Centre thar kalpui a nih theih nana thil pawimawh hrang hrang, Chart vawn fel, Home visit pawimawhna leh mahni huam chhung hriat chian kawnga tan la turin a fuih a. He hmun hawn theihna atana ngaihtuahna sengtu khawtlang hruaitute hnenah lawmthu a sawi bawk.

Hemi hnu hian Er.Vanlalzuala chenkualin technical report a pe leh a, Local Council aiawhin Pu H.Lalengvela, CHairman Local Council-in lawmthu sawina hun a hmang bawk a ni.

He Lily Veng Sub Centre hi 5th June 2011 atanga sak tan niin 5th January 2018 khan zawh fel a ni. A sak nan hian sum Rs.1150800/- hman ral a ni.