OFFICE OF THE PRINCIPAL DIRECTOR

GOVERNMENT OF MIZORAM

HEALTH & FAMILY WELFARE DEPARTMENT

PRESS HANDOUT

Dated Aizawl the 23rd September, 2018

Ayushman Bharat Pradhan Mantri Jan Arogya Yojana (PMJAY) chu Prime Minister Narendra Modhi-an a launch ta

Ni 23^rd September 2018 hian India ram puma hman tur scheme thar Ayushman Bharat Pradhan Mantri Jan Arogya Yojana (PMJAY) chu Prime Minister Narendra Modhi-in Jharkand, Bihar-ah a launch a. Hemi rual hian India ram State hrang hrang ten AB  PMJAY hi an launch ve bawk a.

Mizoramah hian AB PMJAY launching programme hi vawiin Pathianni chhun dar 12:00 khan Directorate of Health Services, Conference Hall-ah Video-conferencing nena hun lo hman a ni. A hawnna hun   tak erawh chu naktuk 24.9.2018 hian Chief Minister hovin hman ani ang.

 Vawiinah launching programme hi Dr. Zohmingsanga, G.I.Z. Consultant-in a kaihruai a. Chairman welcome speech a sawi hnu-ah Beneficiary-te hnenah Golden Card pek chhuah nghal a ni a. Hemi hnu hian Dr. Biakthansangi, CEO, SHA hnen atangin AB PMJAY chungchang ngaihthlak ani a. Insurance Company aiawhte hnen atangin thusawi ngaihthlak a ni leh a. Hun tawp hi  lawmthu sawina in Dr. Isaac Lalrawngbawla’n a tin a ni.

Press:

Ayushman Bharat Pradhan Mantri Jan Arogya Yojana (PMJAY) hi RSBY, kumkhata Rs. 30,000/ thleng bill theihna scheme thlakna tur a ni a, kumkhata chhungkaw khat in Rs. 5 lakhs thleng hman theihna a ni. Mizoram ah chhungkaw nuai 2 chuang in an hmang thei dawn a, sum senglo a in enkawltheihna hmanrua a ni. He ruahmanna hian damloh nikhua a senso hautak, retheihna ti zual zel theitur a veng thei ang. He ruahmanna hian PMJAY chu khawvel a sawrkar hmalakna hnuaia hriselna lama inhumhimna leh invenna lian ber a ni dawn ani. Hei hian enkawlna ban phak leh tha mipui tan a chhawpchhuak dawn a ni.

Chhungkua member limit a awm dawnlo a, tin he scheme a tel thei SECC a awm leh RSBY a in register te tan a thar a in register a ngai lo. Healthcare a in register tan erawh Sawrkar laipui in tuna PMJAY hnuaia leng thei tur list ah a dah rihloh avangin register fee lak a ngai dawn ani. Kumin atan hian Healthcare a la  inregister lo tan atan Rs. 1500/- ani anga, mahni bial Sub-Centre ah theuh October thla chhunga register theih tura ruahman a ni.

PMJAY hnuaiah hian natna leh enkawlna 1350 chuang a awm a, nuai 5 thleng hman theih tih nimahse, package rate bithliah ang zeal bill siam tur a ni ang. Mizoram chhungah chuan Sawrkar damdawiin leh Private damdawiin zawng zawnga hman theih turin ruahman a ni a, phai lama damdawiin Mizo ten kan pan thin damdawiin te pawh hman theih turin chhawpchhuah a ni.

He scheme atan hian sawrkar laipui chuan February 1 khan union budget ah a puang a, Cabinet in March 20 khan a pawmpui a. Felfai taka kalpui a nih theihnan dan leh dun chi hrang hrang duan a ni a eg. BIS, bill pek dan (Claim Settlement), Lungawilohna thlenna (Grievance Redressal), damdawiin empanel dan, khawl hmantheih dan (quality guidelines), internet muanna/awmthatlohna a bill siam dan, etc.

He Scheme enkawltur hian sawrkar laipui ah National Health Agency, CEO enkawl din a ni a. State tin ten State Health Agency din tur anih angin,  Mizoram State Health Care Society chu SHA a designate a ni a. he sheme kalphung hi tunlai thiamna IT, internet hmang a ni. He IT hnuaiah damlo enkawl ngai finfiahna Beneficiary Identification System (BIS) an tih hnuaia in finfiah hnua hman theih chauh tur a ni. Hei hi a hmang tur dik takin an hman theihna tura ruahmanna ani. Damdawiin enkawlna senso pawh Transaction Management System (TMS) hmangin damdawiin ten an bill let dawn a ni. Hemi chungchang leh PMJAY kaihnawih thil te chu Mizoram ah training zawh a ni tawh a, a hman dan tur pawh Private damdawiin lam nen training pek vek anni tawh. Khawl pawh a thleng tawh a, tunkar chhung hian damdawiin zawng zawngah bun zawh vek theih turin hmalak a ni.

Tunah hian State/UT 30 in kengkawh nghal turin MoU an sign fel tawh a. Kerala, Karnataka, Delhi leh Punjab ten MoU sign mai turin hma la mek. Hma la la lo chu Odisha leh Telangana anni tawh.

Mizoram ah chuan Healthcare Scheme nen chhunfin tur a nia, hei hian a enkawlna kawngah pawh a awlsam zawkin, mipui tan a chenfakawm zawk dawn ani. Mizote hriselna hmasawnna rahbi sangzawkah hlanchhoh a ni dawn a ni. Hmasawnzelna tur pawh Pathian zarah ngaihtuah chhuah zel theih beisei a ni. Chuvangin PMJAY programme, hi vawiin hian Prime Minister in ram pum tan leh Mizoram ah ngei pawh hman anih theih nan thehchhuah a ni e.