Ministry of Health and Family Welfare, Government of India hnuai a programme pakhat niin, November 2019 khan Mizoram ah pawh he programme hi kalpui tan a ni a, a tir ah chuan Hepatitis – C treatment chauh a thlawna pe in bul tan phawt a ni. He programme in a tum ber chu Hepatitis Natna(B/C) inkaichhawn awlsam em em leh in enkawlna hautak lutuk thin tihreh a ni ber awm e. Damdawi mamawh te hi Central lam atang a a thlawn a hmuh a nih mai bakah man to tak tak a phai lama an Viral Load thawn ngai thin te chu a thlawn vek in he program hnuai ah hian thawn sak an ni thin a ni. Tun dinhmun ah hian Hepatitis B leh C te in enkawlna hautak em em thin chu a thlawn a kalpui vek a lo ni ta in Mizoram chhung a District tin ah he programme hi kalpui a lo ni ta bawk a ni. He programme a in enkawl duh tan chuan Civil Hospital, Aizawl Medicine Department ah OPD card lak a, Doctor ten an damdawi mamawh te chawh in awlsam takin treatment a thlawn a lak mai theih reng a ni e. He Programme ah hi chuan BPL chauh ni lo in tupawh India khua leh tui ni tan chuan in enkawlna damdawi hi a thlawn in hmuh theih vek a ni e. Amaherawh chu he programme pawh hi online Portal hman a nih tho a vangin damlo ten thla tin a hun tak ah an damdawi te an rawn lak a ngai a, Doctor te leh thawktu ten a document tul kan tih te min ngaihpawimawh sak hram hram loh chuan damdawi hi duh dan dan a lak mai theih a ni lo thung a ni.